Ад імя Аб’яднанага Пераходнага Кабінета ў МУС Польшчы перададзены прапановы аб увядзенні персанальных санкцый за міграцыйную вайну. Матэрыялы датычацца 20 сілавікоў і 26 прапагандыстаў Беларусі.
Раней Народнае антыкрызіснае ўпраўленне пад кіраўніцтвам Паўла Латушкі ўжо дабілася ўнясення ў санкцыйны спіс Еўразвязу і нацыянальны санкцыйны спіс Польшчы кіраўніцтва Дзяржаўнага памежнага камітэта Беларусі і прапагандыстаў, якія маюць дачыненне да падрыхтоўкі незаконнай міграцыі на тэрыторыю Польшчы.
Як адзначана на афіцыйным канале НАУ, «толькі з пачатку гэтага года было зафіксавана каля 24 тысяч спроб незаконнага перасячэння мяжы з Беларусі ў Польшчу».
