Польскі прэм’ер Дональд Туск заклікаў неадкладна падрыхтаваць Еўрапейскі план для Украіны.
“Еўропе тэрмінова патрэбен свой план дзеянняў адносна Украіны і нашай бяспекі, інакш іншыя сусветныя гульцы будуць вырашаць пра нашу будучыню. Не абавязкова ў адпаведнасці з нашымі ўласнымі інтарэсамі”, – напісаў у сацсетцы Х польскі прэм’ер-міністр.
«Гэты план павінен быць падрыхтаваны цяпер. Нельга губляць час”, – дадаў ён.
Сёння на канферэнцыі ў нямецкім Мюнхене ўкраінскі прэзідэнт Уладзімір Зяленскі заклікаў заходніх саюзнікаў правесці ў трэцюю гадавіну вайны 24 лютага саміт у Кіеве або ў рэжыме онлайн.
