BY
PL
EN

Беларускае Радыё Рацыя. 98,1 FM – Беласток, Гародня. 99,2 FM – Берасце

Радыё ONLINE

Польскі Сенат прызнаў Каардынацыйную Раду і назваў выбары ў Беларусі несумленнымі

22 студзеня Сенат Польшчы адзінагалосна прыняў рэзалюцыю аб несумленных выбарах у Беларусі. У дакуменце падкрэсліваецца падтрымка Каардынацыйнай Рады як парламента ў выгнанні і змяшчаецца заклік да вызвалення палітычных зняволеных.

Кажа спікерка Каардынацыйнай Рады Анжаліка Мельнікава:

-Хутка будзем мець магчымасць збірацца  – і я ўжо кажу пра гэта адкрыта – ў будынку Сената Польшчы, які сёння правёў рэзалюцыю. Тое, што адбываеццап ў Беларусі нельга назваць выбарамі. Лукашэнка пераследуе людзей, ідзе хваля рэпрэсій і ўсе апазіцыйныя кандыдаты, якія маглі б удзельнічаць у выбарах, сёння за кратамі і не маюць гэтай магчымасці, альбо ў выгнанні. Ёсць асобны абзац у гэтай рэзалюцыі, які кажа аб тым, што Сенат Польшчы будзе працягваць сваю працу і супрацу з Каардынацыйнай Радай як парламентам у выгнанні.  

На паседжанні Сената прысутнічалі Спікерка КР Анжаліка Мельнікава і намеснік кіраўніцы Аб’яднанага Пераходнага Кабінета, лідар буйнейшай фракцыі КР – Павел Латушка. Маршалак Сената Малгажата Кідава-Блоньска заявіла пра планы падпісаць пагадненне аб супрацоўніцтве з Каардынацыйнай радай, падкрэсліўшы яе ролю як законнага прадстаўнічага органа беларускага дэмакрстычнага грамадства.

Цалкам гутарка:

Беларускае Радыё Рацыя

Фота Каардынацыйнай Рады