1495-ы дзень вайны. Ленінградская вобласць Расеі пятую ноч запар падвяргаецца масавым ударам беспілотнікаў. Мінулай ноччу чарговая атака прывяла да пашкоджанняў і пажару ў стратэгічна важным порце Усць-Луга.
Паводле заявы губернатара рэгіёна Аляксандра Драздэнкі, сіламі СПА быў збіты 31 беспілотнік. Прытым кіраўнік вобласці пацвердзіў факт пашкоджанняў на тэрыторыі порта. Абышлося без пацярпелых. Наступствы ўдараў адчуваюць і жыхары Пецярбургу. Яшчэ напярэдадні горад зацягнула чорнай дымкай. Між тым, Польшча рыхтуецца да барацьбы з дронамі-«шахедамі» – запускаецца супольная з эстонскім бокам масавая вытворчасць міні-ракет СПА Mark 1. Плануецца выпуск да 10 тысяч такіх ракет у год. Выпрабаванні плануюць правесці ўжо вясной-летам ва Украіне.
Беларускае Радыё Рацыя
