У Варшаве ладзяцца слуханні Аб’яднанага Пераходнага Кабінету Беларусі перад Каардынацыйнай Радай. Цягам 2 дзён выступоўцы знаёмяць аўдыторыю са сваімі справаздачамі, а таксама адказваюць на пытанні фракцый.
Працягвае спікер КР Арцём Брухан:
-У любым выпадку тое, што адбываецца, гэта вельмі важная падзея, якая дэманструе падсправаздачнасць дэмакратычных інстытутаў паміж сабой і празрыстасць. Вось гэта галоўнае дасягненне першага дня і ўжо паловы другога дня. Мы выконваем галоўную функцыю, як Каардынацыйная Рада, – гэта слуханні АПКБ з мэтай яго справаздачнасці не толькі перад чальцамі КР, а перад беларускім грамадствам. І адбываецца гэта напярэдадні канферэнцыі “Новая Беларусь”.
Нагадаем, канферэнцыя “Новая Беларусь” будзе ладзіцца ў Варшаве 9 і 10 жніўня.
Цалкам гутарка:
Беларускае Радыё Рацыя
