Прадстаўніцтва па сацыяльнай палітыцы Аб’яднанага пераходнага кабінета (АПК) прадставіла абноўлены склад.
Першым намеснікам Вольгі Зазулінскай, прадстаўніцы АПК па сацыяльнай палітыцы, прызначаная праваабаронца Юлія Міцкевіч. Яна будзе займацца гендарнымі пытаннямі і праблемамі ўразлівых груп.
Намеснікам Зазулінскай таксама прызначана Ірына Маклейн, псіхолаг і сацработнік з вопытам у кіраўніцтве даследаваннямі ў сацыяльнай сферы. Станіслаў Салавей застаецца намеснікам прадстаўніка. Ён адказвае за распрацоўку “аварыйных” рэформаў сістэмы аховы здароўя.
Марыя Анімія будзе адказваць за працу з добраахвотнікамі і іх сем’ямі. Яна будзе займацца пытаннямі медыцынскай і псіхалагічнай рэабілітацыі, матэрыяльнай падтрымкі, дапамогай у легалізацыі, пошукаў рэсурсаў для сем’яў загінулых добраахвотнікаў.
Беларускае Радыё Рацыя
