Пытанні міжнароднай ізаляцыі Беларусі і Расеі сярод іншага абмяркоўваліся на кансультацыях прадстаўнікоў МЗС Літвы, Латвіі, Эстоніі і Германіі, якія прайшлі ў Вільні.
“Адбыўся абмен думкамі па пытанні гарантавання міжнароднай бяспекі Украіны, адказнасці Расеі, санкцыях Еўразвязу супраць Расеі, выкарыстанні замарожаных расейскіх сродкаў і міжнароднай ізаляцыі Беларусі і Расеі”, — паведаміла прэс-служба літоўскага МЗС.
Прадстаўнікі замежна-палітычных ведамстваў “аднадушна пагадзіліся з неабходнасцю працягваць падтрымку дэмакратычных сіл Беларусі і актуалізаваць пытанні аб палітычных зняволеных”. “Важна забяспечыць, каб Беларусь заставалася на парадку дня Еўразвязу”, — гаворыцца ў паведамленні.
Беларускае Радыё Рацыя
