Генеральны пракурор Беларусі Андрэй Швед на прапанову КДБ накіраваў у Вярхоўны суд заяву аб прызнанні Абʼяднанага пераходнага кабінета (АПК) «тэрарыстычнай арганізацыяй», паведаміла прэс-служба ведамства.
Як сцвярджаюць у Генеральнай пракуратуры, мэта АПК — «дзеянні па планаванні, рыхтаванні і ўчыненні замахаў на незалежнасць, тэрытарыяльную цэласнасць, суверэнітэт і грамадскую бяспеку Беларусі шляхам захопу і ўтрымання дзяржаўнай улады».
У 2022 годзе, менш чым праз месяц пасля ўтварэння, Абʼяднаны пераходны кабінет рашэннем КДБ Беларусі быў прызнаны «экстрэмісцкім фармаваннем».
