Праваабаронцы «Вясны» сустрэліся з часовым павераным у справах ЗША ў Беларусі Пітэрам Каўфманам.
Алесь Бяляцкі ў судзе.
Паводле беларускага праваабаронцы Леаніда Судаленкі, які ўдзельнічаў у сустрэчы, гаворка ішла пра лёсы беларускіх палітзняволеных, сярод іншых праваабаронцы надалі ўвагу свайму калегу, старшыню «Вясны», лаўрэату Нобэлеўскай прэміі міру Алесю Беляцкаму, якога чацвёрты год трымаюць за кратамі ў беларускай вязьніцы.
Праваабаронцы выказалі амерыканскаму боку просьбу спрыяць у вызваленні Алеся Бяляцкага. Яны мяркуюць, што можна было б, напрыклад, выкарыстаць абмен вязнямі паміж ЗША і Расеяй.
Часовы павераны Пітэр Каўфман і ягоныя калегі сказалі, што ўважліва вывучаць просьбу і перададуць яе для разгляду, паведаміў Леанід Судаленка.
Усяго ў Беларусі больш за 1300 толькі вядомых палітычных зняволеных.
