Вайна ва Украіне. «Пры падтрымцы Захаду Украіна паспрабуе завяршыць гарачую стадыю вайны да канца гэтага года»,- упэўнены Уладзімір Зяленскі.
На думку прэзідэнта Украіны, каб пераканаць Расею сесці за стол перамоваў і разгледзець пытанне спынення вайны, усяму свету давядзецца аказаць на яе ціск. Таксама Зяленскі заявіў журналістам, што дапускае магчымасць сыходу з пасады прэзідэнта.
Падчас інтэрв’ю Бі-бі-сі, прэзідэнт Украіны Уладзімір Зяленскі адзначыў, што вайну можна будзе завяршыць дыпламатычным урэгуляваннем за сталом перамоваў, калі краіны Захаду будуць аказваць ціск на Маскву.
«Гэта не значыць, што трэба адваяваць у баях усе тэрыторыі. Я лічу, што гэтага можна дамагчыся з дапамогай сродкаў дыпламатыі», – сказаў ён, дадаўшы, што ў той жа час паслабленне Расеі на полі бою паставіць Украіну ў больш моцную пазіцыю за сталом перамоваў.
Ад Вялікай Брытаніі, са слоў Зяленскага, Кіеў хацеў бы атрымаць дазвол на выкарыстанне пастаўленай Захадам зброі для ўдараў па тэрыторыі Расеі – без абмежаванняў па далёкасці.
Беларускае Радыё Рацыя
