4-га кастрычніка ў Варшаве адзначыла сваё 30-цігоддзе «Школа лідараў» – уплывовы фонд, які, у тым ліку, працуе і з беларусамі. Падчас урачыстасці выступіла ганаровая госця – лідарка дэмакратычных сілаў Беларусі Святлана Ціханоўская.
Кажа ўдзельнік сустрэчы, беластоцкі дзяяч, цяпер чыноўнік у Варшаве, Радаслаў Пуська:
-Выступоўца заявіла, што ніхто не нараджаецца лідарам. Спачатку, вядома, лідарам быў яе муж – Сяргей Ціханоўскі. Ціханоўская расказала пра розніцу, як было 35 гадоў таму ў Польшчы, як скончыўся камунізм, і ў Беларусі. У Беларусі таталітарны рэжым, а ў Польшчы, дзякуючы такім інстытуцыям і фондам, як «Школа лідараў», можам быць актывістамі і дзеячамі і рабіць так, каб такія лідары ў Польшчы маглі развіваць сваю краіну, сваю дзяржаву і месца, дзе жылі.
Святлана Ціханоўская наведала ўрачыстасці, прымеркаваныя да 30-годдзя польскага фонду «Школа лідараў» у Варшаве, у межах свайго візіту ў Польшчу.
Цалкам матэрыял слухайце ў далучаным гукавым файле:
Беларускае Радыё Рацыя
Фота Радаслава Пуська
