Расея абстраляла гуманітарную місію ААН у Херсонскай вобласці, паведамляе тэлеграм-канал кіраўніка абласной ваеннай адміністрацыі Аляксандра Пракадзіна. Расейская армія атакоўвала грузавыя машыны з гуманітарным грузам з дапамогай дронаў. У абласной ваеннай адміністрацыі адзначаюць, што аўтамабілі з гуманітарнай дапамогай былі спецыяльна пазначаныя.
Абласная ваенная адміністрацыя Днепрапятроўскай вобласці паведамляе пра ататакі расейскіх дронаў на энергетычную інфраструктуру. Пашкоджанні адзначаюцца на тэрыторыі транспартных і прамысловых прадпрыемстваў.
Прэзідэнт Украіны Уладзімір Зяленскі выказаў упэўненасць, што сустрэча з прэзідэнтам ЗША Дональдам Трампам, запланаваная на 17-га кастырчніка, можа значна наблізіць заканчэнне вайны.
Чакаецца, што сёння Злучаныя штаты зробяць важную заяву адносна паставак зброі Украіне. Паводле пастаяннага прадстаўніка ЗША пры НАТА Джуліана Уітакера, у Злучаных Штатах ёсць «магутныя» сістэмы ўзбраення, якія яшчэ не былі перададзеныя Украіне.
Беларускае Радыё Рацыя
