Пытанні сумеснай падрыхтоўкі войскаў РФ і Беларусі «да баявога прымянення нестратэгічнай ядзернай зброі» будуць адпрацоўваць на другім этапе адпаведных вучэнняў, пра пачатак якіх 11 чэрвеня паведаміла Міністэрства абароны Расеі.
Напярэдадні пра ўдзел вайскоўцаў з Беларусі ў другім этапе вучэнняў расказаў міністр абароны Віктар Хрэнін.
Расейскае міністэрства падкрэсліла, што другі этап вучэнняў пачаўся па распараджэнні кіраўніка Расеі Уладзіміра Пуціна.
Міністэрства апублікавала кадры, на якіх відаць падрыхтоўку аператыўна-тактычных ракетных комплексаў «Іскандэр» і палёты як мінімум трох знішчальнікаў МіГ-31 і двух далёкіх бамбавікоў «Тупалеў» Ту-22.
Беларускае Радыё Рацыя
