Увечары 5 сакавіка Расея нанесла ракетны ўдар па ўкраінскім Крывым Рогу. Пашкоджана грамадзянская інфраструктура. Паводле папярэдняй інфармацыі, пасля прылёту ракеты па гатэлю «Цэнтральны» два чалавекі загінулі, а з сямі шпіталізаваных чацвёра знаходзяцца ў цяжкім стане, паведамляе УНІАН.
“Першыя параненыя ўжо ў бальніцы, у аперацыйнай, цяжкія. Пад заваламі могуць быць людзі. Магчымыя паўторныя выбухі”, – паведаміў старшыня савета абароны Крывога Рога Аляксандр Вілкул.
Да гэтага паветраныя сілы папярэдзілі пра пагрозу прымянення балістычнай зброі з паўднёвага напрамку на Крывы Рог.
Беларускае Радыё Рацыя
Фота: Telegram-канал Сергея Лысака
