BY
PL
EN

Беларускае Радыё Рацыя. 98,1 FM – Беласток, Гародня. 99,2 FM – Берасце

Радыё ONLINE

Расея напярэдадні Новага года шырока бамбардуе Украіну

Украінскія маніторынгавыя каналы паведамляюць аб запушчаных крылатых і балістычных ракетах, выбухах у раёне Кіева ды іншых месцах.

Акрамя таго, паступаюць паведамленні аб запуску аэрабалістычных ракет “Кінжал” з самалётаў МіГ-31.

Украінскія вайскоўцы паведамляюць, што ў паветры знаходзяцца шэсць расейскіх стратэгічных бамбардзіроўшчыкаў, якія  ўжо выпусцілі ракеты.

У сваю чаргу ў Смаленскай вобласці ўкраінскія беспілотнікі нанеслі ўдар па нафтабазе, там успыхнуў пажар. Мясцовы губернатар сцвярджае, што ўсе дроны былі збітыя, а пажар узнік ад абломкаў.

У Крыме паветраныя і марскія беспілотнікі атакавалі раён Севастопаля; інфармацыі аб наступствах пакуль няма.

Адносна Краснадарскага краю расейскія маніторынгавыя каналы паведамлялі аб выбухах у раёнах Туапсэ і Наварасійска, гэта значыць на беразе Чорнага мора, а таксама ў раёне Ейска на беразе Азоўскага мора. Інфармацыі пра наступствы таксама няма.

Беларускае Радыё Рацыя

Здымак ілюстрацыйны