Вайна ва Украіне. Эксперты амерыканскага Інстытуту вывучэння вайны (ISW) заўважылі, што Расея перакідае на курскі кірунак падраздзелы, якія ваявалі на лініі фронту ў Данецкай вобласці.
«Расейскае вайсковае камандаванне магло таксама перадыслакаваць падраздзелы, якія раней прызначаліся для ўзмацнення франтавых частак у тылавых раёнах Данецкай вобласці, і такая перадыслакацыя магла паўплываць на тэмп расейскіх наступальных аперацыяў у прыярытэтных для расейскіх вайскоўцаў сектарах», — мяркуюць эксперты.
Паводле іх, расейскія войскі могуць перайсці ў рэжым «кароткачасовага зацішша» перад аднаўленнем наступальных аперацыяў у адным з трох сектараў — Часавым Яры, Тарэцку ці Пакроўску.
У той жа час у ISW адзначылі, што расейскія ўлады, імаверна, у значнай ступені абапіраюцца на прызыўнікоў і некаторыя рэгулярныя і нерэгулярныя вайсковыя падраздзелы з менш важных участкаў лініі фронту.
Эксперты на падставе аналізу заяваў і геалакаваных відэаматэрыялаў за 13 жніўня прыйшлі да высновы, што ўкраінскія войскі дзейнічаюць прыкладна ў 41 паселішчы Курскай вобласці. Прэзідэнт Украіны Уладзімір Зяленскі заяўляў, што ўкраінцы «кантралююць» 74 населеныя пункты гэтага расейскага рэгіёну.
Тым часам, як стала вядома, у Кіеў прыбыў памочнік дзяржсакратара ЗША Блінкена па справах Еўропы і Еўразіі – АП Украіны.
Абмеркавалі сітуацыю на полі бою і “статус дамоўленасцяў у абароннай сферы”.
Крыніца: “Свабода”
