Расейцы вывелі з Беларусі зенітныя сістэмы С-300 і С-400. Яны былі размешчаныя ў Гомельскай вобласці каля мяжы паміж Беларуссю і Украінай з 2022 года.
Пра гэты вывад зенітных сістэм з тэрыторыі Беларусі паведаміла ўкраінская маніторынгавая група CyberBoroszno пасля аналізу спадарожнікавых здымкаў. Украінскія аналітыкі кажуць, што ваенную тэхніку перакідваюць у Маскву на час ваеннага парада 9 мая — для абароны горада.
Як паведамлялася раней, мінулай ноччу Расею масава атакавалі дроны. Мінабароны РФ заявіла пра 105 збітых беспілотнікаў. Над Масквой было зафіксавана каля двух дзясяткаў дронаў. У сувязі з атакай на тэрыторыі Расеі прыпынялася праца 13-ці аэрапортаў.
Беларускае Радыё Рацыя
Фота: Мінабароны Беларусі
