Чарговыя расейскія беспілотныя лятальныя апараты ўварваліся ў прастору Беларусі ў ноч на 22 і 25 лістапада, вынікае з паведамленняў камандавання Паветраных сіл Узброеных сіл Украіны.
Маніторынгавая група «Беларускі Гаюн» паведаміла, што за суткі (з 6 гадзін раніцы 24 лістапада да 6 гадзін раніцы 25 лістапада) было зафіксавана мінімум 38 заходаў расейскіх БПЛА ў паветраную прастору Беларусі, што з’яўляецца абсалютным рэкордам.
Паводле інфармацыі групы, было зафіксавана не менш за 14 заходаў расейскіх дронаў у Беларусь.
Улады Беларусі пра парушэнні расейскімі беспілотнікамі паветранай прасторы краіны традыцыйна не паведамляюць.
Беларускае Радыё Рацыя
