Роўна тры гады таму, 24 лютага 2022 года, Расея пачала поўнамаштабную агрэсію супраць Украіны. Ракетныя ўдары па тэрыторыі Украіны ўчыняліся з тэрыторыі Расеі, з Крыму, з акваторыі Чорнага мора і з тэрыторыі Беларусі.
З тэрыторыі Беларусі расейскія войскі ўчынялі таксама і сухапутны напад на Украіну. Менавіта з Гомельскай вобласці расейскія войскі рушылі на захоп Кіева.
Паводле дадзеных NATO, у беларуска-расейскіх вучэннях «Саюзная рашучасць» у лютым 2022 года ўдзельнічала каля 30 тысяч расейскіх вайскоўцаў. 24 лютага тры гады таму гэтая групоўка напала на Украіну з поўначы.
Зараз пад расейскай акупацыяй знаходзіцца 11% тэрыторыі Украіны.
Беларускае Радыё Рацыя
