Еўрапейская рада, якая засядае сёння ў Брусэлі, у сваіх высновах падкрэсліла значэнне для бяспекі Еўразвяза падвышэння абароненасці ўсходніх межаў супольнасці, у прыватнасці з улікам пагроз з боку Расеі і Беларусі.
“Еўрапейская рада падкрэслівае, што абарона ўсіх сухапутных, паветраных і марскіх межаў ЕЗ спрыяе бяспецы Еўропы ў цэлым, у прыватнасці, усходняй мяжы ЕЗ, улічваючы пагрозы з боку Расеі і Беларусі”, – гаворыцца ў апублікаваным дакуменце.
У высновах адзначаецца таксама важнасць абароны ад пагроз на іншых межах Еўразвяза.
Еўрапейскай камісіі і высокаму прадстаўніку ЕЗ па замежных справах і палітыцы бяспекі і абароны даручылі “прадставіць далейшыя прапановы”.
