Кіраўнік польскага МЗС абмеркаваў з дзяржсакратаром ЗША міграцыйны крызіс на мяжы з Беларуссю. Міністр замежных справаў Польшчы Радаслаў Сікорскі і Дзяржсакратар ЗША Марка Рубіа мелі тэлефонную размову 23 красавіка.
Прэс-служба польскага знешнепалітычнага ведамства паведаміла, што бакі таксама “закранулі пытанні, звязаныя з працягам ціску на Расею і аказаннем дапамогі Украіне“.
Радаслаў Сікорскі, выступаючы ў той жа дзень у Сейме, падкрэсліў, што ад вынікаў расейска-ўкраінскай вайны “будзе залежаць, ці скаціцца <…> Беларусь канчаткова ў “рускі мір”, або дасць рады абараніць рэшткі сваёй незалежнасці”.
