“Трывае вайна ва Украіне, але ў нас таксама трывае гібрыдная атака Беларусі на польскую мяжу,” – сказаў прэзідэнт Польшчы Анджэй Дуда, дадаўшы, што хоча звярнуць на гэта ўвагу Кітая.
(PAP/Radek Pietruszka)
Найважнейшым днём візіту польскага прэзідэнта ў Паднябесную будзе панядзелак, калі ў Пекіне запланаваныя палітычныя перамовы – спачатку з прэм’ер-міністрам Лі Цянам, потым са старшынём Пастаяннага камітэту парлямэнту Кітаю Чжао Лэдзі, а пазней з лідарам КНР Сі Цзіньпінам. Падчас пяцідзённага афіцыйнага візіту прэзідэнт таксама выступіць на эканамічных форумах у Даляні і Шанхаі, а таксама ўручыць узнагароды ў амбасадзе Польшчы.
Адной з мэтаў візіту, як абвясціў прэзідэнт Польшчы, зʼяўляецца адкрыццё кітайскага рынку для польскіх сельскагаспадарчых прадуктаў.
