Прэзідэнт Украіны Уладзімір Зяленскі ў пятніцу ў Берліне сустрэўся з канцлерам ФРН Олафам Шольцам.
Кіраўнікі дзяржаў падпісалі двухбаковае пагадненне аб супрацы ў сферы бяспекі і доўгатэрміновай падтрымцы Украіны. Як паведаміў Уладзімір Зяленскі, у дакуменце замацаваная падтрымка Украіны ў аб’ёме больш за сем мільярдаў еўра на бягучы год.
Гэтыя сродкі пойдуць на пастаўкі краіне, што ваюе, зброі. Кантракты з нямецкімі вытворцамі ўжо заключаныя.
Таксама ў пагадненні Нямеччына пацвярджае сваю пазіцыю ў дачыненні да санкцый супраць Расеі, магчымасці міжнароднага трыбуналу і замарозкі расейскіх актываў у ФРН, удакладніў Зяленскі.
Апісаны механізм магчымых экстраных кансультацый па пытаннях расейскай агрэсіі ў будучыні.
Беларускае Радыё Рацыя
