Еўразвяз ухваліў 13-ы пакет санкцый супраць Расеі і Беларусі. Пры гэтым пад новыя санкцыі трапілі беларускія чыноўнікі і арганізацыі.
З гучных імёнаў у “чорным спісе” — кіраўнік беларускага “Чырвонага крыжа” Дзмітрый Шаўцоў і паралімпіец Аляксей Талай, датычныя да незаконнага вывазу ўкраінскіх дзяцей з часова акупаваных тэрыторый. Таксама за арганізацыю вывазу ўкраінскіх дзяцей санкцыі ўведзеныя супраць арганізацыі “Дэльфіны”, яго дырэктаркі Вольгі Волкавай і фонда Аляксея Талая. У спіс з гэтай прычыны трапіў і старшыня Наваполацкага выканкама Дзмітрый Дзямідаў.
Таксама абмежаванні ўвялі супраць кіраўніка Аршанскага авіярамонтнага завода Паўла Случака і Валерыя Шацілы, дырэктара “2566 завода па рамонце радыёэлектроннага ўзбраення”. Самі прадпрыемствы таксама пад санкцыямі.
Беларускае Радыё Рацыя
