Вашынгтон упершыню заявіў, што дазволіць Украіне абмежаванае выкарыстанне амерыканскіх узбраенняў на тэрыторыі Расеі. The Wall Street Journal даведаўся, якія менавіта магчымасці з’явяцца ў Кіева.
Паводле інфармацыі выдання, УСУ змогуць выкарыстоўваць РСЗА HIMARS, ракетныя сістэмы GMLRS і артылерыю для ўдараў па камандных пунктах, складах зброі і іншых цэлях на тэрыторыі Расеі, якія выкарыстоўваюцца для атакі Харкава. Ракеты вялікай далёкасці ATACMS выкарыстоўваць на тэрыторыі Расеі будзе забаронена.
З лютага 2022 года ЗША не дазвалялі выкарыстоўваць любую пастаўленую зброю для ўдараў па цэлях унутры Расеі. Украіне было дазволена наносіць удары толькі па цэлях у анексаваным Расеяй Крыме, паколькі ён знаходзіцца ў міжнародна прызнаных межах Украіны.
Беларускае Радыё Рацыя
