14 студзеня адбыліся слуханні Каардынацыйнай Рады па пытанні абрання шостага прадстаўніка ў склад дэлегацыі Рады ў Парламенцкай Асамблеі Савета Еўропы. Пра гэта паведаміў сёння тэлеграм-канал выбарнага органа.
Свае кандыдатуры вылучылі тры прадстаўніцы з розных фракцый: Таццяна Мартынава (фракцыя «Хопіць Баяцца»), Рыта Гаціх (фракцыя «Каманда Латушкі і Рух “За Свабоду”»), Таццяна Хоміч (фракцыя «Беларусы»)
Па выніках рэйтынгавага галасавання ў склад дэлегацыі абрана Рыта Гаціх, набраўшы 64 балы.
Такім чынам, дэмакратычныя сілы у ПАСЕ прадстаўляюць:
Аляксандра Мамаева (кіраўніца дэлегацыі), Павел Латушка, Павел Церашковіч, Маргарыта Ворыхава, Валер Мацкевіч і Рыта Гаціх.
Беларускае Радыё Рацыя
