Прэм’ер-міністр Вялікабрытаніі Кір Стармер аб’явіць аб новым пакеце падтрымкі Украіны, нягледзячы на тое, што Дональд Трамп аказвае ціск на Кіеў, спрабуючы прымусіць адступіць і пагадзіцца на мірнае пагадненне з Расеяй.
Фота president.gov.ua
Як піша The Telegraph, Стармер у трэція ўгодкі ўварвання Расеі 24 лютага прадставіць “трайны ўдар”, уключаючы ваенную дапамогу Украіне і санкцыі супраць РФ і расейскіх алігархаў.
Як адзначае выданне, гэта рэзка кантрастуе з падыходам Трампа, які назваў Уладзіміра Зяленскага “дыктатарам” і настойвае на больш хуткім спыненні канфлікту. Пры гэтым раней прэзідэнт ЗША ў пятніцу абвінаваціў Стармера ў тым, што той “нічога не робіць” для завяршэння вайны ва Украіне.
Новыя дэталі ваеннай дапамогі Украіне прадставіць Міністэрства абароны краіны. Пры гэтым, як адзначае выданне, адна з ідэй, якія абмяркоўваюцца, – дадатковае ўзбраенне для ВСУ, але яна яшчэ не поўнасцю падпісана.
Міністэрства замежных спраў таксама прадставіць маштабны пакет санкцый супраць Расеі. Паводле слоў адной з урадавых крыніц, Міністэрства ўнутраных спраў пачне барацьбу з расейскімі “бруднымі грашыма”. Пад удар могуць патрапіць алігархі, якія падтрымліваюць Пуціна.
