Прэм’ер-міністр Вялікабрытаніі Кір Стармер заявіў, што Узброеныя сілы краіны паступова пяройдуць у стан “баявой гатоўнасці” з-за росту пагроз і глабальнай нестабільнасці. Аб гэтым піша The Guardian.
Фота: European Union
“Мы пераходзім да баявой гатоўнасці як галоўнай мэты нашых узброеных сіл. Калі нам непасрэдна пагражаюць дзяржавы з перадавымі ваеннымі сіламі, самы эфектыўны спосаб іх стрымліваць – гэта быць гатовымі, і, шчыра кажучы, паказаць ім, што мы гатовы забяспечыць мір з дапамогай сілы”, – сказаў прэм’ер-міністр Брытаніі.
Брытанскі прэм’ер расказаў аб асноўных мэтах новай абароннай стратэгіі краіны. Ён падкрэсліў, што асабліва важна тое, каб Брытанія была гатова да баявых дзеянняў, узмацніла сваю ролю ў НАТА. Акрамя таго, ён заклікаў укараняць больш інавацый і паскорыць да тэмпаў ваеннага часу. Таксама Стармер заявіў, што Брытанія павінна падняць выдаткі на абарону да 3% ВУП.
У гутарцы з журналістамі Стармер падзяліўся, што ў Брытаніі плануюць пабудаваць не менш за шэсць новых заводаў па вытворчасці боепрыпасаў, стварыць гібрыдны Каралеўскі флот, злучыўшы дроны з ваеннымі караблямі, падводнымі лодкамі і самалётамі, а таксама паставіць да 12 ударных падводных лодак у рамках пакта AUKUS, які быў.
Іншымі планамі Брытаніі з’яўляюцца забеспячэнне лепшага жылля і абсталявання для ваенных краіны і інвестыцыя 15 млрд. фунтаў стэрлінгаў (20,3 млрд даляраў) у праграму суверэнных боегаловак.
