10 лютага лідарка беларускіх дэмсілаў сустрэнецца з Прэзідэнткай Еўрапейскага парламента Робертай Метсолай і Прэзідэнтам Еўрапейскай рады Антоніу Коштам.
Як паведамляе прэс-служба Ціханоўскай, асноўнымі тэмамі абмеркавання стануць:
• Рэгіянальная бяспека – пагрозы, звязаныя з ваеннай прысутнасцю Расеі ў Беларусі, і іх шырэйшыя наступствы для бяспекі Еўропы.
• Беларусь у кантэксце мірных перамоў – захаванне незалежнасці Беларусі.
• Палітвязні – каардынацыя намаганняў па ўзмацненні міжнароднага ціску на рэжым Лукашэнкі з мэтай вызвалення палітвязняў.
• Падтрымка грамадзянскай супольнасці і незалежных медыя.
• Сумесная стратэгія па Беларусі на 2025 год.
