Святлана Ціханоўская распачала візіт у Канаду з сустрэчы з Івонкай Сурвілай.
«Гэта была цёплая сяброўская гутарка, размаўлялі пра сітуацыю ўнутры краіны і стан беларускай дыяспары, пра неабходнасць умацавання беларускай ідэнтычнасці, мовы і культуры, а таксама пра міжнародную абарону інтарэсаў беларусаў. Абмеркавалі таксама супрацоўніцтва паміж Радай БНР і Аб’яднаным пераходным кабінетам, дамовіліся на рэгулярныя сустрэчы», – паведамляе прэс-служба Ціханоўскай.
Ціханоўская ўручыла Івонцы Сурвіле новую ўзнагароду Аб’яднанага пераходнага кабінета – Крыж Адраджэння Беларусі. Таксама дэмакратычная лідарка сустрэлася з беларусамі ў Атаве. Сярод галоўных тэм сустрэчы былі праблемы легалізацыі, падтрымка палка Каліноўскага і незалежных СМІ ды іншае.
Беларускае Радыё Рацыя
