Святлана Ціханоўская сустрэлася з жонкаю Нобелеўскага лаўрэата, праваабаронцы Алеся Бяляцкага – Наталляй Пінчук. «Я захапляюся стойкасцю і мужнасцю Наталлі, і ўдзячная ёй за цёплую сустрэчу, падтрымку і магчымасць падзяліцца супольным болем», – адзначыла Ціханоўская.
Святлана Ціханоўская і Наталля Пінчук – жонкі палітвязняў. Сяргей Ціханоўскі адбывае тэрмін 19,5 года калоніі строгага рэжыму, Алесь Бяляцкі асуджаны на 10 гадоў узмоцненага рэжыму.
На закрытай сустрэчы Ціханоўская і Пінчук размаўлялі пра асабістае – лёсы сужэнцаў, а таксама абмяркоўвалі шляхі да вызвалення палітвязняў і тое, як у гэтым можа дапамагчы міжнародная супольнасць.
30 красавіка было абвешчана пра стварэнне ў Нарвегіі міжнароднага фонду для падтрымкі вызваленых палітычных зняволеных з Беларусі і іхных сем’яў – гэта ініцыятыва Святланы Ціханоўскай.
Беларускае Радыё Рацыя
