Святлана Ціханоўская правяла адкрытую лекцыю ў Ковенскім універсітэце імя Вітаўта Вялікага. Лідарка прысвяціла выступ ролі дэмакратычнай Беларусі ў бяспецы Усходняй Еўропы і адказала на пытанні студэнтаў з Літвы, Беларусі, Украіны, Іспаніі, Францыі, Албаніі.
Пра вынікі сустрэчы распавядае Дарадца Святланы Ціханоўскай па пытаннях дыпламатыі Дзяніс Кучынскі:
– Падчас свайго выступу Ціханоўская падкрэсліла важнасць Літвы, дапамогі беларусам. Коўна прыняло ўрад БНР у выгнанні, адкуль яны ўжо выехалі ў Прагу. Таму гэта падкрэслівае такую традыцыю дапамогі Літвы беларусам сто гадоў таму і цяпер. Шмат дыскусій і пытанняў было пра бяспеку ў рэгіёне, пра слабасць рэжыму Лукашэнкі. Зразумела Ціханоўская закранула важнасць нашай супольнай гісторыі, таго што беларусы і літоўцы вельмі блізкі нацыі, якія заўжды адзін аднога падтрымлівалі.
Таксама вядома, што на Пятрашунскіх могілках Коўна Ціханоўская наведала і ўсклала кветкі на магілу Клаўдзія Дуж-Душэўскага – выбітнага беларускага дзеяча, вядомага як аўтар нацыянальнага бела-чырвона-белага сцяга.
Беларускае Радыё Рацыя
Фота Офіса Святланы Ціханоўскай
