Святлана і Сяргей Ціханоўскія, якія знаходзяцца ў Польшчы са сваім першым сумесным афіцыйным візітам, ужо сустрэліся з польскім прэзідэнтам Анджэем Дудам. Пра гэта паведамляе тэлеграм-канал Святланы Ціханоўскай, абяцаючы распавесці падрабязнасці пазней.
Акрамя Цтханоўскіх з беларускага боку прысутнічае дараца Ціханоўскай Дзяніс Кучынскі і кіраўнік Народнага актыкрызіснага ўпраўлення і намеснік Ціханоўскай у Аб’яднаным пераходным кабінеце Павел Латушка.
Таксама, як раней паведамлялася, у іх запланавана сустрэча з міністрам замежных спраў Польшчы Радаславам Сікорскім.
Акрамя таго, на сёння ўвечары намечаны ўдзел Ціханоўскіх у акцыі салідарнасці з палітвязнямі, які ладзяць беларусы Варшавы каля помніка Каперніку. Стрым з падзеі намечаны на 19 гадзін па польскім часе.
Фота: t.me/tsikhanouskaya
