Дэмакратычная лідарка Беларусі Святлана Ціханоўская знаходзіцца з візітам у Даніі. У Капенгагене адбываецца саміт за дэмакратыю. На ягоных палях Святлане Ціханоўскай уручылі прэстыжную прэмію «Еўрапеец году», якая ўручаецца дацкім філіялам Міжнароднага еўрапейскага руху, паведамляе прэс-служба Ціханоўскай.
«Мы, беларусы, можам рабіць свой унёсак у развіццё Еўропы. З нашай унікальнай культурай, выдатным геаграфічным становішчам, адкрытым і працавітым народам. Я ўпэўненая, што еўрапейскі праект ніколі не будзе поўным бяз вольнай Беларусі і без суверэннай Украіны», — сказала Ціханоўская у сваёй прамове з нагоды атрымання прэміі.
Раней «Еўрапейцамі году» былі прызнаныя, сярод іншага, прэзідэнт Украіны Ўладзімір Зяленскі, прэзідэнт Францыі Эманюэль Макрон, прэм’ер-міністарка Даніі Мэтэ Фрэдрыксэн.
Беларускае Радыё Рацыя
Фота: t.me/tsikhanouskaya
