Былы польскі суддзя, які ўцёк у Беларусь, цяпер будзе браць інтэрв’ю ў запрошаных гасцей. «Вельмі добрая праца», – пракаментаваў новую пасаду Шміт. У базе вакансій, рэдактарам БелТА прапануюць 1500 рублёў, што ў разы менш заробку суддзі ў Польшчы. З дэкларацыі 2022 года Шміта вынікае, што яго заробак у Польшчы складаў больш за 22,5 тысячы злотых штомесяц (каля 5,5 тысячы даляраў).
Суддзя Томаш Шміт збег у Беларусь шостага траўня і папрасіў палітычнага прытулку. У Польшчы супраць яго пачалі крымінальную справу за шпіянаж. На думку пракуратуры, ён «прымаў удзел у гібрыднай вайне, якую Беларусь і Расея вялі супраць Польшчы».
Беларускае Радыё Рацыя
