Заявы прэзідэнта ЗША Дональда Трампа пра магчымасць набыцця Грэнландыі зноў выклікалі шырокую міжнародную дыскусію. Ідэя, агучаная яшчэ падчас яго першага прэзідэнцкага тэрміну, перыядычна вяртаецца ў амерыканскую палітычную рыторыку — ужо як элемент геапалітычнай барацьбы за Арктыку.
Грэнландыя з’яўляецца аўтаномнай тэрыторыяй у складзе Каралеўства Данія. Яна мае ўласны парламент і ўрад, аднак пытанні абароны, знешняй палітыкі і бяспекі застаюцца ў кампетэнцыі Капенгагена. Палітолаг Антон Пянькоўскі адзначае, што размовы пра «куплю» Грэнландыі не варта ўспрымаць літаральна.
– Дональд Трамп видавочна здзекваецца з еўрапейскай палітыкі і з еўрапейскай палітыкума. Ідэя пакупкі Грэнландыі – гэта не толькі яго разуменне нацыянальнай бяспекі ЗША, нават не столькі нацбяспекі ЗША, колькі яго ціск на Еўрапейскі звяз, магчыма ў адказ на ўсе тыя пакуты, якія Дональд Трамп адчуў падчас свайго першага тэрміну на пасадзе прэзідэнта.
Па словах палітолага і амерыканіста Пянькоўскага, Еўропе прыйдзецца выбіраць паміж рознымі сцэнарамі:
– Пасля перамоваў са спадарыняй Урсулай фон дер Ляйен, з кіраўніцтвам НАТА і еўрапейскімі лідарамі, прасіць дамаўляцца пра нейкія саступкі, каб амерыканскае войска засталося, або нейкія сродкі выдаткоўваліся на ўзмацненне краін Балтыі. Зараз ужо трэба выбіраць паміж кепскім сцэнаром і яшчэ больш горшым.
20-га студзеня 2026 года спаўняецца роўна год як Дональд Трамп на пасадзе прэзідэнта ЗША і яшчэ шмат чаго можа змяніцца ў адносінах ЗША і Еўропы пад час яго кадэнцыі.
Цалкам матэрыял:
Беларускае Радыё Рацыя
