Вайскоўцы з Кітаю, Таджыкістану і Азербайджану прыбылі ў Беларусь для ўдзелу ў вайсковым парадзе 3-га ліпеня.
Як паведаміла прэс-служба Міністэрства абароны Беларусі, сёлета ўпершыню ў вайсковым парадзе таксама возьмуць удзел вайскоўцы з Казахстану, Кіргістану, Узбекістану, а таксама курсанты расейскіх Вайсковай акадэміі супрацьпаветранай абароны і Разанскага вышэйшага паветрана-дэсантнага каманднага вучылішча.
Усяго ў парадзе возьмуць удзел 5 тысяч вайскоўцаў. Неўзабаве ў Беларусі пачнуць праводзіць з гэтымі вайскоўцамі трэніроўкі да параду, прымеркаванага да 3 ліпеня.
Беларускае Радыё Рацыя
Фота: МУС Беларусі
