У Беластоку адкрыўся Форум Супольнасці і Пагранічнага Развіцця Еўрапейскага Саюза — супольная ініцыятыва ўрада Падляшскага ваяводства і гарадскіх уладаў.
Мэта сустрэчы — выпрацаваць агульныя адказы на выклікі, з якімі сутыкаюцца ўсходнія рэгіёны ЕЗ, і прааналізаваць наступствы вайны ва Украіне ды гібрыдных пагроз уздоўж усходняй мяжы Саюза. Кажа гаспадар форуму, Маршалак Падляшскага ваяводства Лукаш Пракорым:
Камісар Бюджэту і Адміністрацыі Еўрапейскай Камісіі Пётр Серафін у сваім выступе заявіў, што Падляшскае ваяводства атрымала дадатковае фінансаванне з боку ЕЗ, накіраванае на развіццё інфраструктуры, бяспекі і інавацый у памежных рэгіёнах:
Прэм’ер-міністр Польшчы Дональд Туск не змог асабіста прысутнічаць на адкрыцці форуму, аднак удзельнікам быў прадстаўлены відэазварот Еўрапейскага камісара па спайнасці і рэформах Рафаэле Фіта (Raffaele Fitto). Еўракамісар павіншаваў арганізатараў і падкрэсліў важнасць супрацоўніцтва памежных рэгіёнаў для адзінства Еўропы, а таксама асаблівую ролю Падляшша перад выклікамі, што ідуць з Усходу.
***
Адкрыў Форум Маршалак Падляшскага ваяводства Лукаш Пракорым.
Форум праходзіць на вышэйшым роўні ў будынку Падляшскай Оперы і Філармоніі. Камісар Бюджэту Адміністрацыі Еўракамісіі Пётр Серафін – адзін з удзельнікаў пленарнага паседжання ўжо паспеў даць каментар, у якім запэўніў, што бліжэйшыя 2-3 гады асноўная частка інвестыцый будзе ісці на абарону тэрыторыі ад мажлівай агрэсіі з боку РФ. Асабліва гэта тычыцца тэрыторыі, якая мяжуе з Беларуссю.
Маршалак кажа, што Еўропа павінна зразумець важнасць інвестыцый у Падляшша, каб падтрымаць жыццё рэгіёна, бізнес, навуку, культуру. Пра гэта будзе ісці ў выніковай Дэкларацыі, якую плануецца падпісаць а 19-й 28-га кастрычніка. Асобная падзяка выказваецца еўракамісару Пятру Серафіну.
Слова бярэ Прэзідэнт Беластока Тадэвуш Трускаляскі, які вітае гасцей і падкрэслівае стратэгічную ролю Падляшша як брамы еўрапейскай бяспекі.
Гаворка ідзе і пра закрытыю мяжу з Беларуссю – лінію фронту бяспекі і падкрэсліваецца важнасць супрацы з краінамі Балтыі, таксама вітае амбасадара Латвіі ў Польшчы Раймонда Джонсана.
На форум не змог прыехаць прэм’ер міністр Дональд Туск, затое прагучаў відэазварот еўракамісара супольнасці і рэформ Рафаэля Фітто.
Размова ідзе пра пагрозу, якая нарастае, і пачуцця бяспекі з боку Беларусі і Расеі няма. Размова будзе пра тое, як узмацняць мяжу, але і шукаць прычыны тармажэння развіцця памежных рэгіёнаў. Падае гандаль, турызм амаль у мёртвай зоне.
Прапанавана на ўзроўні ЕЗ узмацненне інвестыцый у абарону і касмічныя даследаванні, абарону мяжы і міграцыйныя справы. Для рэгіёна важна інвеставанне ў эканоміку, інфраструктуру, транспарт, энэргетыку. Іншыя накірункі фінансавання павінны нарадзіцца ў дыскусіях шляхам дня працы Форуму ў Беластоку.
Выступае еўракамісару Пётр Серафін, які вітаў падляшскую супольнасць, як адну з самых рэпрэзентатыўных у польскай палітыцы.
Беларускае Радыё Рацыя
