У Беларускім дзяржаўным медыцынскім універсітэце забаранілі водпускі і пераздачы да так званых выбараў. Пра гэта паведаміла ініцыятыва медыкаў “Белыя Халаты” са спасылкай на свае крыніцы.
У ініцыятыве таксама нагадалі, што летась рэктар універсітэта змяніў правілы ўнутранага працоўнага распарадку. Цяпер супрацоўнікі ўніверсітэта не могуць удзельнічаць у канферэнцыях, з’ездах, навучальных курсах і іншых мерапрыемствах, не прадугледжаных планам, зацверджаным Міністэрствам аховы здароўя. Рабіць гэта можна толькі пасля асобнага дазволу. Тое ж самае тычыцца і чытання лекцый у онлайн і офлайн рэжыме.
Праўдападобна, усе гэтыя захады кіраўніцтва ўніверсітэта ў Менску зрабіла дзеля таго, каб абмежаваць магчымасць пратэстаў супрацоўнікаў і студэнтаў супраць дыктатуры.
Беларускае Радыё Рацыя
Фота: facebook.com
