Пад Лунінцам у Берасцейскай вобласці вайскоўцы ў процівагазах праводзяць дэзінфекцыю і дэзактывацыю. Гэта праверка баявой гатовасці вайскоўцаў 56-га зенітнага ракетнага палка, які дыслакуецца ў Лунінецкім раёне.
Ракетчыкі праводзяць палявыя зборы ў рамках праверкі Узброеных Сіл Беларусі, піша «Медыя-Палессе”.
У мінулым месяцы адпрацоўваліся дзеянні дыверсійна-разведвальнай групы пры пераходзе замініраванага ўчастка мясцовасці, устаноўцы процітанкавых мін.
На гэты раз вайскоўцы зрабілі справаздачу пра тое, што на палявым выхадзе прайшлі практычныя заняткі па парадку і паслядоўнасці дзеянняў па пераадоленні заражанага ўчастка мясцовасці, дэзінфекцыі асабістага складу і дэзактывацыі тэхнікі.
Фота: 56 зенітны ракетны полк
