План “Перамога” аб’яўляецца закрытым да асаблівага распараджэння ў мэтах забеспячэння бяспекі ўдзельнікаў, у сувязі са стратай доступу да чат-бота ў траўні 2024 года і адмовай лідараў дэмсілаў яго вярнуць, гаворыцца ў сумеснай заяве рухаў BYPOL і «Закон і правапарадак».
“Усе ўдзельнікі плана пераведзеныя ў рэзерв», — сказана ў дакуменце.
За розныя напрамкі рэзерву плана “Перамога” цяпер адказваюць Сяргей Макар, Станіслаў Лупаносаў і Аляксандр Азараў. Жадаючым выдаліцца з чат-бота плана “Перамога” прапануецца скарыстацца адпаведнай інструкцыяй “Кіберпартызан”.
Аўтары заявы таксама лічаць недапушчальным бестэрміновае падаўжэнне паўнамоцтваў Святланы Ціханоўскай, прапануюць абраць новага лідара дэмсіл на абмежаваны тэрмін з абавязковай справаздачнасцю і стварыць празрысты механізм кантролю.
На думку прадстаўнікоў рухаў, за час працы офіса Ціханоўскай улада беларускага дыктатара толькі ўмацавалася, выбары не адбыліся, палітвязні не вызваленыя, рэпрэсіі працягваюцца, а беларусы не атрымалі кампенсацый і гарантый.
Беларускае Радыё Рацыя
