Напярэдадні журналісты Welt паведамілі, што Нямеччына рыхтуецца прымаць новую хвалю ўкраінскіх уцекачоў з-за палітыкі прэзідэнта ЗША Дональда Трампа.
Фота: Fot. PAP/Paweł Supernak
Наколькі маштабнай можа быць новая хваля міграцыі, якімі будуць яе наступствы, і як Украіне працаваць з бежанцамі за мяжой, УНІАН спытаў у доктара філасофскіх навук, галоўнага навуковага супрацоўніка, дырэктара Інстытута сацыялогіі НАН Украіны Яўгена Галавахі.
СМІ пішуць, што ў Нямеччыне чакаецца новая хваля ўкраінскіх уцекачоў на фоне палітыкі Злучаных штатаў. Рашэнні Трамп сапраўды ўплываюць на гатоўнасць украінцаў зноў міграваць?
Тут ёсць два фактары, якія могуць паўплываць на колькасць бежанцаў. Па-першае, павелічэнне колькасці бежанцаў магчымае, калі ўзмоцняцца абстрэлы. Асабліва актуальна гэта для буйных гарадоў. Калі не будзе хапаць сродкаў СПА, якія перадавалі Украіне Злучаныя Штаты, гэта паўплывае на колькасць уцекачоў. Але гэта будзе толькі пры ўмове, што паралельна Расея будзе нарошчваць колькасць абстрэлаў нашых тылавых гарадоў.
І другі фактар - гэта фінансавыя магчымасці ўкраінцаў. Калі спыніцца фінансавая дапамога, пагоршыцца матэрыяльнае становішча украінцаў. Людзі страцяць працу, ці іх дастатак паменшыцца і яны паедуць за мяжу. Вядома, калі Еўропа не заменіць гэтую дапамогу – у такім выпадку гэта не асабліва паўплывае на міграцыю.
Гэтыя два фактары, матэрыяльнае забеспячэнне і сітуацыя з бяспекай, могуць паўплываць на павелічэнне колькасці бежанцаў з Украіны. І пакуль гэта толькі гіпатэтычна, гэта не будзе мець імгненнага эфекту. Адбудзецца гэта толькі тады, калі мы сапраўды ўбачым, што гэтыя з’явы пачнуць заўважна ўплываць на ўкраінцаў.
То бок, гэтая новая хваля міграцыі будзе адрознівацца ад той, якую бачылі ў лютым 2022 года?
