Падчас візіту ў Брусэль Святлана Ціханоўская сустрэлася з еўракамісаркай па пытаннях пашырэння і палітыкі добрасуседства Мартай Кос.
У выніку гэтай сустрэчы Марта Кос анансавала новы пакет падтрымкі для Беларусі, паведамляе Офіс Ціханоўскай. Пакет будзе накіраваны на дапамогу: незалежным журналістам; праваабаронцам; актывістам грамадзянскай супольнасці.
У паведамленні Офісу Ціханоўскай адзначаецца, што «дэмакратычныя сілы Беларусі не ўдзельнічаюць у размеркаванні гэтай дапамогі — яна ажыццяўляецца праз адкрытыя конкурсы і праграмы Еўразвязу».
