У Францыі праходзіць другі тур парламенцкіх выбараў. Выбарчыя ўчасткі закрыюцца ў 20:00. Прэзідэнт Францыі Эмануэль Макрон ужо прагаласаваў на ўчастку ў Ле-Туку на поўначы краіны.
Мясцовыя СМІ адзначаюць, што на 12:00 яўка ўжо большая, чым была ў гэты ж час у першым туры. Яна склала амаль 27%, у той час як тыдзень таму яўка да поўдня дасягнула 26%.
Першы тур датэрміновых парламенцкіх выбараў прайшоў у Францыі 30 чэрвеня. Яго лідарам стала партыя “Нацыянальнае аб’яднанне” Жардана Бардэлы і Марын Ле Пэн з вынікам 33%, другое месца заняў левы блок “Новы народны фронт” 28% галасоў, трэцяе — кааліцыя прыхільнікаў дзейнага прэзідэнта Макрона з вынікам 20%.
Беларускае Радыё Рацыя
Фота: Emmanuel Macron / X
