У Грузіі пасля прыняцця так званага «расейскага закона аб інагентах» пачаліся пагрозы прадстаўнікам незалежных медыя і грамадскіх арганізацый.
Наш карэспандэнт у Грузіі Сяргей Апановіч распавядае, што адбываецца апошні тыдзень у гэтай каўказскай краіне:
– Прадстаўнікам праваабарончых грамадскіх арганізацый у Грузіі штодня паступаюць пагрозы. Пагрозы паступаюць з грузінскіх нумароў, а таксама з нумароў, якія зарэгістраваныя ў іншых краінах. Людзі, якія тэлефануюць, выкарыстоўваюць мову нянавісці, пагражаюць забойствам. Цяпер прадстаўнікі грамадскіх арганізацый напісалі заяву, пад якой падпісалася больш за 20 прадстаўнікоў грамадскіх арганізацый.
Беларускае Радыё Рацыя
