Сілавыя органы Грузі праводзяць ператрусы ў офісах апазіцыйных партый і рухаў. Як паведаміў праект Радыё Свабода «Эхо Кавказа», ператрусы, у прыватнасці, адбываюцца ў памяшканнях «Адзінства-Нацыянальнага руху» і «Кааліцыі за перамены».
Заснавальніка апазіцыйнай партыі «Ахалі», лідара «Кааліцыі за перамены» Ніка Гварамію паліцыя затрымала каля офісу дзвюх партый-хаўрусніц руху, у якіх паліцыя праводзіла ператрусы. Паліцыя таксама затрымала сябра «Кааліцыі за перамены» Гела Хасая.
28 лістапада прэм’ер-міністар Грузіі Іраклі Кабахідзэ абвясціў аб прыпыненні перамоваў з ЕЗ і адмове ад грантаў Еўразвязу да 2028 году. Рашэнне ўладаў выклікала масавыя пратэсты перад будынкам парламенту ў Тбілісі.
