Актывіст Ян Рудзік быў прызначаны віцэ-спікерам Каардынацыйнай Рады замест Алены Жываглод, якая склала паўнамоцтвы.
Пра гатоўнасць працаваць да моманту абрання трэцяга складу КР, распавёў Ян Рудзік:
–Я не ведаю, якая будучыня ў гэтага склада. Гэта такое нешта, хутчэй як капітан, які не сыходзіць з тонучага карабля. Плюс, я не ўпэўнены, наколькі многа часу магу прысвячаць гэтай пасадзе, бо знаходжуся ў Палку Каліноўскага. І ў першую чаргу перада мной стаяць яшчэ задачы. Але факультатыўна, канешне, мабыць ім дапамагу, таму што, калі я ўжо ўвязаўся ў Каардынацыйную Раду з самага пачатку, трэба давесці да лагічнага канца гэты працэс.
Паводле Яна Рудзіка, вызначана і дата выбараў у Каардынацыйую Раду. Выбары пройдуць 25 траўня 2024 года, будуць прамымі і без выключэнняў.
Беларускае Радыё Рацыя
