3-га лютага Офіс Святланы Ціханоўскай рыхтуе слуханні ў Кангрэсе ЗША. Пра гэта паведаміў старшы дарадца дэмакратычнае лідаркі Беларусі Франак Вячорка. Тэмай стане сітуацыя з правамі чалавека ў Беларусі, рэпрэсіямі і намаганнямі па вызваленні палітычных вязняў.
Удзел таксама возьмуць дыпламатычны дарадца Ціханоўскай Дзяніс Кучынскі, былы палітвязень Сяргей Ціханоўскі і праектны дырэктар літоўскага аддзялення Freedom House Віціс Юрконіс. Як адзначае Вячорка, «гэта магчымасць абмеркаваць бягучы працэс перамоваў па вызваленні, а таксама той факт, што рэпрэсіі працягваюцца. Арганізатары — прадстаўнікі абедзвюх партый Кангрэсу».
