Канстанцін Бычак, начальнік следчага ўпраўлення КДБ Беларусі, заявіў, што ведамства не збіраецца мяняць затрыманых у краіне іншаземцаў на беларусаў, асуджаных за мяжой за шпіянаж.
«Сапраўды ў Рэспубліцы Беларусь у месцах пазбаўлення волі адбывае пакаранне вялікая колькасць замежных грамадзян, у тым ліку грамадзян Польшчы, балтыйскіх рэспублік, іншых краін Захаду за супрацоўніцтва са спецслужбамі замежных дзяржаў. Гэтыя асобы, асуджаныя за шпіянаж або агентурную дзейнасць», – адзначыў прадстаўнік КДБ.
Бычак дадаў, што афіцыйная пазіцыя камітэта – «мы нікога не мяняем».
Прыгадаем, што толькі за першую палову бягучага года ў Польшчы затрымалі 18 чалавек, якіх падазраюць у шпіянажы на карысць Беларусі і Расеі.
Беларускае Радыё Рацыя
