Вашынгтонская каманда не каментавала перамовы з прадстаўнікамі Кіева, якія адбыліся, але міністр абароны Украіны Рустэм Умераў заявіў, што сустрэча была «канструктыўнай і змястоўнай».
«Дыскусія была прадуктыўнай і мэтанакіраванай — мы закранулі ключавыя моманты, у тым ліку энергетыку», — напісаў Умераў у Facebook.
«Мэта прэзідэнта Уладзіміра Зяленскага — забяспечыць справядлівы і трывалы мір для нашай краіны і нашага народа — і, адпаведна, для ўсёй Еўропы. Мы працуем над тым, каб зрабіць гэтую мэту рэальнасцю», – адзначыў Умераў.
Перамовы ў Эр-Рыядзе сталі важным этапам у намаганнях ЗША спыніць агонь ва Украіне. Раней паміж рознымі стадыямі двухбаковых перамоў былі перапынкі на дзень і больш. Знаходжанне ўсіх у адным месцы можа паскорыць справу.
Беларускае Радыё Рацыя
